Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Элмюлк техника бла керекле

Къарачай халкъны эл берген джомакълары

Техника бла иш керекле

776.
Тюбю — бир, башы — эки,
Башындагъы — эчкиники.
(Агъач аиры.)

777.
Бир ауузу — тёрт азауу.
(Темир сенек.)

778.
Эртде-эртде терек эдим,
Хар кимге да керек эдим,
Тейри урду да джатдырды,
Тууар бокъгъа батдырды.

а) Мен терегем-терегем,
Хар неге да керегем,
Адам урду да джатдырды,
Мени багушха батдырды.
(Агъач кюрек.)

779.
Къуйругъу — узун,
Тили — джассы.
(Кюрек.)

780.
Бир атым барды да:
Аугъан чёбню ашайды,
Ере чёбню ашамайды.
(Басха.)

781.
Гитче бала джер къаза.
(Гетмен.)

782.
Къыр-къыр этер,къырылдар,
Тыр-тыр этер,тырылдар,
Баразадан таймаз,
Аллында чёб къоймаз.
(Косилка.)

783.
Бир къучакъда — минг бычакъ.
(Косилканы чалкъысы.)

784.
Бир атым барды да,
Ере чёб къоймайды.
(Чалкъы.)

785.
Агъачдан агъач тууар,
Агъач кесек белин бууар.
(Чалкъы бда гылдыуай.)

786.
Узун сюекли,
Къысха билекли.
(Чалкъы саб.)

787.
Кёк аджирге минеме,
Кеб джылкъыны сюреме.
(Чаркъы бла хансла.)

788.
Ичи — тегенек,
Тышы — гебенек.
(Чалкъы хыршы.)

789.
Уясына терек есе.
(КъангиЧ.)

790.
Башы — къалтырауукъ,
Тюбю — джылтырауукъ.
(Къаладжюк.)

791.
Джыргьышчыгъы джыра баргъан.
Къыргъышчыгъы къыра баргъан.
(Къаладжюк.)

792.
Къынгыр къарай — тюз бара.
(Плуг.)

793.
Оракъ — къынгыр,
Окъ — тюз,
Эки чыпчыкъ,
Тёрт кёз.
(Сабан агъач,бараза,ёгюзле.)

794.
Сенг-сенг сенг бара,
эки теке тенг бара,
Сакъалчыгъы сыза бара,
Теберди ёзен.
Бурунчугъу буза бара.

а) Сенг-сенг сенг бара,
Сегиз теке тенг бара,
Джёгетей ёзен.
Бургъушчугьу бура бара,
Мара ёлен
Джыргьышчыгъы джыра бара.
б) Сенг-сенг сенг бара,
Къарачай ёзен.
Сегиз теке тенг бара,
Дууут ёзен.
Къарынлары бура бара,
Сакъаллары джыра бара.
в) Сенг-сенг сенг бара,
Схауат ёзен.
Сегиз теке тенг бара,
Сакъалчыгъын сылай бара,
Къангачыгъын къурай бара,
Таугъа айланыб джылай бара.
(Сабан агъач.)

795.
Къыш къолгъа тиймез,
Джаз къолдан тюшмез.
(Мигидау.)

796.
Кёк байталгъа минеме,
Акъ джылкъыны сгореме.
(Оракъ.)

797.
Бурнунда — джюз тешиги —
Барындан да суу агъа.
(Суу къуйгъуч.)

798.
Бир юйюм барды да:
Не тюбю джокъду,
Не башы джокъду.
(Сыгын кеб.)

799.
Аллы — бургъуч,
Арты — къургъуч,
(Сют мешна.)

800.
Джерге салсанг — джукълай,
Ерге алсанг — джылай.
(Сынджыр.)

801.
Аръщаз-талмаз,
Суудан сора тилине джукъ салмаз.
(Трактор.)

802.
Дюнгюр-дюнгюр дюнгюрде:
кёзюн ачад ингирде.
(Трактор.)

803.
Зынтхы ашатмайма,
Къамчи бла урмайма,
Джерге ариу джатады,
Талай сагюнджю тартады.
(Трактор.)

804.
Сабан тюзде — бир киши,
Бир кишини — минг тиши.
(Тырнау.)

805.
Къыш къолгъа алынмагъан,
Джай джерге салынмагъан.
(Чага.)

806.
Узун-узун узгъалы —
Эл таныгъан сызгъалы.
(Ындыр агъач.)

807.
Эл ичинде — белгили.
(Ындыр агъач.)

808.
Ауузу бла ашайды да,
Бурну бла чыгъарады.
(Эт тартхан мешка.)

↑ Наверх ↑ | Содержание | Джашау-турмуш техника бла керекле | Аскер техника бла керекле

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 836 | Теги: Элмюлк техника бла керекле

Всего комментариев: 0

Карачаевцы и балкарцы

Статьи