Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Джашау-турмуш техника бла керекле

Къарачай халкъны эл берген джомакълары

Техника бла иш керекле

748.
Уллу бекки-чекки.
(Базман бла гирле.)

749.
Бир юйгом барды да,
Ичинде тюйюш тохтамайды.
(Гюрбеджи.)

750.
Бир ёгюзгам барды да:
Ичин урса, кёзю къызарады.
(Гюрбеджи, керюк.)

751.
Бир атлы минг атлыны тюер.
(Гюх.)

752.
Бютеу боюнлу, Терен къоюнлу.
(Кели.)

753.
Башы уллу да Къуйругъу къысха.
(Кепи башы.)

754.
Узакъдан къараб кёлтюрюр,
Къатынга джууукъ келтирир.
(Кезюлдюреуюк.)

755.
Ауузу джокъ, тили джокъ,
Барыр джолунгу кёргюзеди.
(Къыблама.)

756.
«Къыс», — десенг — къысар,
«Ий», — десенг — иер.
(Къысхыч.)

757.
Ауузу джокъ, тили джокъ,
Сёлеширге андан уста джокъ.
(Радио.)

758.
Ауузу джокъ — хапар айта,
Къолу джокъ — къобуз тарта.
(Радио.)

759.
Кёпюрсюз-джолсуз тюзюнлей келген,
Узакъдагъы хапарны къатынгдача берген.
(Радио.)

760.
«Биб-биб» деб бир мёлек
Джерни аулайды тёгерек.
(Спутник.)

761.
«Къуюл», — десем — къуюлады,
Тыйыл», — десем — тыйылады.
(Суу кран.)

762.
Муккур акка юйге джыйылмайды,
Бурун сууу тыйылмайды.
(Суу кран.)

763.
Бир кюзггом барды да,
Дуния ичинде кёрюнеди.
(Телевизор.)

764.
Кёксюл кюзгю кёбню кёргюзе.
(Телевизор.)

765.
Бир чолпум барды да,
Сёзню таудан аудурады.
(Телефон.)

766.
Тёрт дунияны тойдурады да,
Кеси ачлай къалады.
(Тирмен.)

767.
Чайнайды-чайнайды да
Чайнагъанын элге ашатады.

а) Чайнайды-чайнайды —
Кеси ашаялмайды.
(Тирмен.)

768.
Эл ашагъан эмеген (джелимаууз).
(Тирмен.)

769.
Не барама, не барама —
Балта узуну баралмайма.
(Тирмен таш.)

770.
Таш башында—агъач тауукъ.
(Тирмен къакъгъыч.)

771.
Юй тюбюнде — къутургъан кючюк.
(Тирмен чарх.)

772.
Къаз къангкъылдар,
Къангагъа минер,
Инджи себер,
Тауукъ чёблер.
(Тюй тирмен.)

773.
Сенг-сенг сент бара.
Сегиз теке тенг бара,
Суу агъачы сууда бара,
Сакъалчыгъы бура бара.
(Суу тирмен).

774.
Иппил аппакъ чачар.
(Узгъа.)

775.
Бурну бар да, ауузу джокъ,
Агъач къазаргъа андан уста джокъ.
(Юнгюч.)

↑ Наверх ↑ | Содержание | Къурулуш техника бла керекле | Элмюлк техника бла керекле

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 760 | Теги: Джашау-турмуш техника бла керекле

Всего комментариев: 0

Карачаевцы и балкарцы

Статьи