...Болгъан кибик анда мени бир терслигим,
Хаман келед, хаман келед кёз аллыма,
Боллукъ бала болуб, болмай къалгъан тенгим.
Ол къадарны излемейме таб къанлыма.

Мен кёреме, чабыб барад сабийлигим
Таякъ атда, биргеме да — Халит тенгим,
«Мен оздум!» — деб даулашабыз биз бузукъла,
Арабызны айыралла джумдурукъла.

Кери тургъан ачы болуб джумдурукъдан,
Шох болабыз. Заман озду. Чыкъдыкъ элден...
Ол аскерде ёлгенинде кърал зорлукъдан,
Мен да ол кюн айырылдым сабийликден.

Бюпон меннге — отуз, джокълайд сабийлигим,
Онеки джыл, Сен келгенли кёз аллыма,
Боллукъ бала болуб, болмай къалгъан тенгим,
Къадарынгы теджемейме таб къанлыма.

1987 дж.