Бир къууанчда тартыб, аслам сёлешсем,
Танг атса уа, сокъураныб сёзюме,
Кечеги мен эртденнги бла ёчешсем,
Бютюн эрши кёрюнеме кёзюме.

Да ичиб да, ичгенлеге кёре, мен
Боллукъма, чырт ичмейме деб къояргъа.
Алай, кесим джангыз кючден ишлеген
Сыйымы бир бек къоркъама ояргъа.

Антсыз болсун билген къалай джашаргъа?!
«Сир къатдырыб турсам хаман кесими,
Узаймайын мен съш ташха ушаргъа
Боллукъмамы?» — деб, къыйнайма эсими.

Къатыб турмай да мен къалай этейим?
Аусам, ёрге къобарыргъа джагъым джокъ.
Сир къатыб а, мен къалайгъа джетейим?
Ийилмеген джаннга тиед джалгъан окъ.

Джангызлыкъдан къыйын — джерде бир зат джокъ.
1987 дж.