Къолладан тутайыкъ,
Бир джырны джырлайыкъ!
Джюрекни джюрекге
Ачдыргъан иннетге,
Сен белги болуб къал,
Бюпоннпо фестивалъ!

Ойрасы:
Фестивалъ, фестивалъ,
Джюрекден джюрекге
Шохлукъну джолун сал!

Кюч бериб бир иннет,
Дунияда хар миллет
Кесини джеринде,
Кесини тилинде,
Огъай! — деб зорлукъгъа,
Джырласын шохлукъгъа!

Ойрасы:
Фестивалъ, фестивалъ,
Миллетден миллетге
Шохлукъну джолун сал!

Уруш от къармалыб,
Мамыр джыр джырланыб,
Озсала ёмюрле,
Къонакъла келирле
Башха дунияладан,
Узакъ джулдузладан!

Ойрасы:
Фестивалъ, фестивалъ,
Джулдуздан джулдузгъа
Шохлукъну джолун сал!

1985 дж.