Мен кёрмедим ата джылыу,
Сен кёрмединг ата джылыу.
Бир сууукъ къыш Аллах бизни тюбетди.
Сёзлерибиз бола асыу,
Бизден кесек кете джарсыу,
Заман бизни джылы джазгъа тебретди.

Тюзде къарны сюрсе боран,
Бир-бирине бола дапъан,
Эки къаура кюрешелле сынмазгъа,
Джазыуубуз экисине,
Ушай болур? — деб, эсиме
Келди. Ала чыгъарламы сау джазгъа?

Бирде къарай тёгерекге,
Бирде къарай мутхуз кёкге...
Къалай къыйынд ышыкъ излеб сакълагъан?!
Эрке тюшле кёре бирде,
Бир насыблы болур джерде,
Атасындан джылыу табыб джукълагъан?

Балаларын сагъынмагъан,
Туудукъларын танымагъан
Аталаны кёрсек, салам берейик.
Ким сайлаб алад атаны?
Джангылычларына аны,
Уллу Аллах кеси этер тёрелик.

Ташны тешиб чыкъгъан хансха
Ушаб, чыкъдыкъ къышдан джазгъа,
Эсде къалды кюрен тартхан сууукъ ай.
Атам ючюн, Anna болсам,
Кесим ючюн, Атдя болсам,
Джашырсам да, кёлюм болад бирде сай...

1995 дж.