Ата Джуртум — Алан Джуртум зорлукъ отда кюл болуб,
Кюл аш болду зордан къалгъан таджал Алан урлукъгъа.
Ата шартынг — Алан шартынг Джуртха тама кёл болуб,
Андан нчдинг, андан чакъдынг, бойсунмадынг зорлукъгъа.

Ойрасы:

Джашна, халкъым, Теркден джете Лабагъа!
Гюл кюннгеча, бур бетинги Кябагъа!
Ана тнлинг — баба тилинг — шумер тил,
Аллах берген сыйлы тилни этме кюл!

Тинин, динин, джерин сакълай ёлген джигит эрлени,
Шейит болуб кетгендиле хур джандетге джанлары.
Къанлы джаула джуртха чаба, джара салгъан джерлени
Битейдиле джуртну сакълай ёлгенлени санлары.

Ойрасы.

Хей, къыйъшлы, таджал халкъым, сен сынагъан къыйынлыкъ
Кёблюк этер сау дунияны халкъларына, джерине...
Джашна, халкъым, джауларынгы акъыл бла, билим бла джыкъ,
Тири атлай, намыс сакълай, чыкъ насыбны тёрюне!

Ойрасы.

Джаша, халкъым, сен сынама энди сюргюн, къазауат!
Сен кёргенден кери этсин Аллах адам улусун!
Джесирликни сезиминден джюрегинги тазалаб,
Азатлыкъгъа юренирге Уллу Аллах буюрсун!

Ойрасы.
1987 дж