Онглу бабаны ёксюз баласы —
Шам Къарачайым-Малкъарым,
Сени бушууунг башындан басыб,
Кюуге ушайды бу джырым.

Хей, зорлукъ отда къызаргъ^н халкъым,
Тёшде темирча тюйюлдюнг!
Бир кишини да къалмазча хакъы,
Белингден эки юзюлдюнг.

Онгсузларынгы ачлыкъгъа элтиб
Ёлтюргенлеге тёздюнг сен,
Сын ташларынгдан атлаууч этиб
Теблегенлеге тёздюнг сен.

Кёчген хапарны билмей, кёб джашынг
Урушдан юйге къайтдыла,
Хар къайтхан джашны юздюрюб башын,
«Сатлыкъ!» — деб, къралгъа сатдыла.

Тёзгенсе, халкъым, таза атынга
Къара тамгъаны ургъаннга.
Тёз, халкъым, бюгюн туугъан Джуртунга
Ёгеге санаб тургъаннга!

Тёз, таджал халкъым, зауукъ сендеди,
Бек тутсанг тёзген адетни!
Тёз, тёзюмю бла ёлчеленеди
Къыйынлыгъы миллет