Джаяу джолну кетиб барад айючюк,
Томалады къынгыраякъ джюнлючюк,
Баштёбенча кёрюнсе да—ётлючюк,
Ол чегетде барындан да кючлючкж!

Къарт айюню кёрсе, анга джол къояд,
Онгсуз, къоркъакъ къоянчыкъгъа болушад,
Ол хыйлачы тюлкючюкню уялтад,
Къылыкъ этген бёрючюкге урушад.

Ол устады халкъ джырланы джырларгъа,
Тюз тепсеуге, абазекге, джангызгъа,
Чолпу, къашыкъ, аякъ этед агъачдан,
Сыпас алад ол джууукъдан, танышдан.

Ол чегетде аджашханнга—джол уста,
Джетн атагъа дери санайд бек уста,
Дерсге барса, ол алады тёрт бла беш!
Анга уша, аллай тенг бла сен тюбеш!

1986 дж.