Джукъла да къалчы, балачыкъ, къыйнамай,
Ананг къурман болгъаед джанынга.
Терезеден къарайд бизге толгъан ай,
Сейир алгъыш этеди ол санга:

«Узакъ джерге кетеме деб, сен къоркъма,
Ата Джуртха ашыкъма къайтыргъа!
Окъу! Халкъгъа оноу этерча бол да,
Ана тилде ашыкъ сёз айтыргъа!»

Джукъла да къалчы, балачыкъ, къыйнамай,
Терезеден къарайды ай санга,
Сууукълугъун кеси алыб, къызгъанмай
Джарыкълыгъын къошхаед джанынга!

Тъшпыучугъунг сени къалай тазады,
Алай таза къалырмы иннетинг?!
Джюрегим а анга бир бек базады, —
Сенден къууанч кёрюр деб миллетинг.

1986 дж.