Таулада айлана,таулада айлана
Тау кёллю болуб къаласа,
Джанымы алыб, хурджунунга салыб,
Гоккачыгъым, къайры бараса.

Мени къолумдагъы къол джаулукъчугъум,
Хурджунума салсам экиди,
Бу сюймекликден адам ёледи дейле,
Ий, аланла, къалай кертиди.

Мени сюйгенчигим бир ариу джанды,
Къара чачын ёрге тарайды,
Самолёт бла таулагъа чыгъыб,
Бизни башыбыздан къарайды.

Сени юсюнгдеги коверкот костюм,
Хаманда аны кийсенг а
Керти кёлюнг бла тансыкъ болгъан эсенг,
Картчыгъынгы манга ийсенг а.

Сенден ариучукъ кёрмедим, бала,
Кесим джашагъан джуртлада,
Сеннге ушатыб, джыйыб айланама
Гокка хансланы сыртлада.

Мен ийнар айта турама, наным,
Стол шиндикге олтуруб,
Эсиме тюшсенг алай джылайма,
Эки кёзюмю толтсауб.

Джаз суудан толгъан тал чыбыкъча,
Субай ганларынг ийиле,
Ариу бойнунга джохар чачакъ
Бурма булутлача тёгюле.

Кёзюмю къысыб, къамата ачсам,
Ала кёзлени кёреме,
Сени табмасам, гокка хансалагъа
Сени ючюн салам береме.