Ашыкъмагьыз, сиз къоркъмагъыз замандан,
Мюрзеу да кюз джыйылады сабандан,
Джаз бла джайны чегиндебиз алкъын биз,
Ашыкъмагьыз, келир керти кюнюбюз.

Мадар болса, дунияны аулагьыз,
Хар миллетни игилигин сайлагьыз,
Келтиригиз халкъыбызгьа окъууну,
Къурутугъуз «тукъум айыргьан ууну»!

Бирликдеди, бирликдеди кючюбюз!
Аны билмей ёлгенд бизни кёбюбюз.
Сюймесенг да, эт ахлунга адамлыкъ,
Башха халкъгьа этмегенлей аманлыкъ.

Танкга къама ургьан — болур ол кюлкю!
Кёбню кёрген чууут халкъдан биз юлгю
Алайыкъ да, халкъыбызны сакълайыкъ,
Биз акъыл бла Джуртубузну джакълайыкъ.

1992 дж.