Урлагьанны, алдагъанны эркелетген,
Тутмакъладан къайтхан джашла тёрге ётген,
Мурдарланы балалагьа юлгю этген,
Онгсуз, джакъсыз къартланы уа кюлкю этген,

Бетсиз, джыртхыч джахиллеге оноу берген,
Фахмуланы, алимлени ёге кёрген,
Джангызлыкъ бла ала бетден-бетге къалгъан,
Бир заманды, бир аманды, бизни заман!

Къачама деб, къачалмайма джангызлыкъдан,
Айырылыб къалгъанмамы адамлыкъдан?
Некме былай, нек бармайды ишим алгъа?
Бу заманнга киргенмеми ёмюр джалгъа?

Узалама, туталмайма насыбымы,
Оюлады басхан джери аягъымы,
Амалсыздан чакъырама джашлыгъымы,
Джашлыгьымда кёрюб къайтмаз насыбымы.

1992 дж.