Болшевикни мен таныдым,
Айтып жаздым аны халын,
Энди билдим партиясын,-
Халкъ жанлыды, - кёп жашасын!

Ишчи, элли уланлары,
Оноулары бирден салып,
Халкъны аманатын алып,
Ишлейдиле бек къадалып.

Бирикдирип кёп халкъланы,
Тайдырып къан къайгъыланы,
Таукел этип жашны, къартны,
Жарытады жамауатны!

Хайда, ойнайыкъ, кюлейик,
Анга кёп саулукъ тилейик,
Алгъан жолун бек сюейик,
Инсаны бола билейик.

Айтхан сёзюн бек алайыкъ,
Муну бла кёп къалайыкъ,
Махтау, ыспас да салайыкъ,
Нюзюрлерин мажарайыкъ.

Душманлагъа бек къатыды,
Эркинликни къууатыды,
Тынч жашауну атасыды,
Аны билмеген ассыды.

Халы Ленинни халыды,
Аскерлери бек къалынды,
Душмалагъа от, жалынды,
Халкъ анга да ыразыды.

Улан, къызны бек ахшысы,
Партиягъа терк саналсын,-
Сюйюлюннген сыйлы жыйын,
Кязимни жа жырын алсын!

1937