Нарт батырла Гезам таудан атландыла,
Нарт батырла, отсуз къалып, апчыдыла.

Сосурукъ да Къараторгъа миннгенди,
— Ким биледи, от тапсам а, — деп, кетгенди.

5 Бара кетип, тар чегетге жетгенди,
Бирси къолда от жарыкъла кёргенди.

Нарт батыры алай таба келгенди,
Жукълап тургъан эмегенни кёргенди.
Отну сермеп, ол ызына тебирегенди.

10 От жилтини тюшген эди эмегенни кёзюне,
Мени жау.ум тынгылагъыед аны айтхан сёзюне:

— Нарт улусу, къалай келдинг жукълап тургъан жериме?
Базынып, къалай кирдинг эмегенни элине?

Умут барды нарт элледе ассыланы къоймазгъа,
15 Умут барды нарт эллени этлеринден тоймазгъа.

Умут барды ассыланы къанларындан ичерге,
Умут барды сабийлерин къул этерге, жегерге!
Ёрюзмек а нарт эллеге башмыды?

— Ёрюзмек а нарт эллени башьщы,
20 Нарт эллени таянырыкъ ташыды!

— Нарт эллени биз артларын этерек,
Тыпырларын, отларын ёчюлтюрек!

Тейриледиле онгубузну алгъанла,
Нарт эллеге къарыу-кючню салгъанла.

25 Кёк Тейрисиди жауубузгъа болушхан,
Нарт эллеге ариу кёзден къарагъан!

Адам улу, Сосурукъну сырпыны уа жютюмюдю?
— Къаяланы, эт жауунлай, кеседи!

— Адам улу, Сосурукъну гебоху уа жютюмюдю?
30 — Къаяланы, къош бишлакълай, тешеди.

— Адам улу, Сосурукъну садагъы уа жютюмюдю?
— Садагъы уа жулдузлагъа жетеди,
Андан къайтып, къалаланы тешеди.