Адам деген онглуду
Къанатсызлай учады,
Дун-дунияны ташасын
Билими бла ачады.

Терен кёкню кенгине
Бу джаш чыкъды ёч алыб,
Саулай джерни юсюне
Унутулмаз сый салыб.

Ётгюрлюкге белгиди
Бу уланны этгени,
Джерден учуб кёкге чыгьыб
Джулдузлагьа джетгени.

Билим деген сейирди
Узакъдан хапар алдыргьан,
Акъыл деген теренди
Хауада джолла салдыргьан.

Джер дегенинг устазды
Онглу ишле этдирген,
Кёк дегенинг муратды
Мийикликге джетдирген.

Гагаринни кючю бла
Дуниягьа къууанч чачылды,
Билимни тейри эшиги
Бюгюн бу джерге ачылды.