Ата джуртунгу, Осман, кемсиз бек сюеенг,
Ата джуртну сакълаб ёлгенсе,
Къарачай элни джаш тёлюскше
Махдаулу юлгюню бергенсе.

Сени памятнигинг джылтырайды, Осман,
Могилёв шахарны ичинде,
Ит фашистлени биз джокъ этгенбиз
Совет аскерни кючюнден.

Ой джылтырайды, джанады, Осман,
Къарачай тауланы бузлары,
Сени памятнигинге гоккала салалла
Белоруссияны къызлары.

Сыйлы атынгы кесиб джазалла
Къалын чегетни ташына,
Белоруссияны герою, дейдиле
Къарачайны джигит джашына.

Осман джюрюген белорус чегетледе
Агъач заводла къурсунла,
Энтда джуртубузну эллеринде
Осман кибик джашла туусунла.