Хар эртден, ингир чыгъыб къарайма,
Аллыбызда Кавказ таулагъа,
Сюймеклик ауруу санларыма сингнгенди,
Къайтыргъа унамайды ызына.

Хар эртден, ингир чыгъыб къарайма,
Аллыбызда уллу таулагъа,
Онгмагъамлагъа нёгер болгъанма,
Къошулалмайма саулагъа.

Мен сюймекликни айтыб башласам,
Сау джылгъа айтыб бошамам,
Мен бу барыудан къачха дери барсам,
Адам инсаннга ушамам.

Чы,нг алгъы бурун сюйюб тебрегенме,
Ол эки къара къашынгдан,
Сени сюйгенли ауруб тебрегенме
Джюрегим бла башымдан.

Мени джюрегим кюйюб барады,
Айталмайма ичги сёзюмю,
Джарыкъ дуниям къарангы болгъанды,
Ачалмайма эки кёзюмю.

Айны къатында джарыкъ джулдуз
Ол айдан ариу, тёгерек,
Сени сюйгенли болуб къалгъанма
Элибизден учхун, гёбелек.

Бу сюймеклик къалай къыйынды
Сынагъаннга, билгеннге,
Ёлмесем, джанымдан юлюш этерем
Ариучугъум келеди дегеннге.

Сен да сюесе, мен да сюеме,
Сюймеклик арадан кетмейди,
Эки сюйгеннге чырмау болгъан
Этген муратына джетмейди.

Ий, джаным, анам,
Не боллукъ болур суу баргъанлай баргъаннга,
Ах, ташла, таула джылайла дейле
Сюйгенинден къалгъаннга.

Ой, таула башы бир мийик сызгъа,
Ой, таула тюбю тар сызгъа,
Эрсиз къалсам да барлыкъ тюлме,
Сюйгенимден башха бир джашха.

Сени ариулугъунг, энди уа,
Сюйгеним, кёгюрчюннге ушайса,
Орамгъа чыгъыб, джюрюб тебресенг,
Джюрек пжаууму ашайса.

Кийимлерими джууб джайгъанма,
Кебселе итиу урлукъма,
Картынгы алыб, письмонгу окъуб,
Беш-алты джылны турлукъма.

Атынг да наныкъ, кесин да наныкъ,
Наныкъ атадым атынга,
Ма бу дунияда сени табмасам,
Къабырым тюшер къатынга.