Олтуруб тургъанлай, мыдах заманда
Сени атынгы айтыб турама,
Мийикде булутлагъа, джарыкъ джулдузлагъа
Сени хапарынгы сорама.

Чегет ичинден Ай бери ышара,
Сенича джарыкъ тиеди,
Эки кёзюнге къараб турургъа
Менден эсе бек сюеди.

Сени къашларынг, ой ариучугъум,
Къарылгъашчыкъча керилиб,
Кече болгъанлай айгъа къарайма,
Сени кёрюрге термилиб.

Мийикде булутла джабсала кёкню,
Сени аладан излейме,
Сен ариучукъну меннге буюр деб
Джазыудан хаман тилейме.

Къолумда чалкъым джылтырай, джашнай,
Къалын биченликде джюзеди,
Сен ариуну сюйюб мени джюрегим.
Уллу къыйынлыкъгъа тёзеди.

Сюймеклик сингиб мени санларымы
Бир аман тукъум талайды,
Мен сени алыб, сен меннге келиб,
Мени муратым алайды.