Мыдахланыб нек тураса, ариу,
Джолну джанына олтуруб,
Ингичге белинг, кенг джаурунунг
Джюрюсенг джолну толтуруб.

Сени сюймейин къалай этейим,
Къара къашларынг къошдула,
Мен да сюйгенча сен да сюйсенг,
Къалгъан сюйгенле бошдула.

Кел, экибиз да айтышайыкъ
Кимни сюйгени кёб эсе,
Менден сора сюйгенинг болса,
Сюйгенинг ёлсюн алесе.

Сюйдюрдюнг, гяуур, кюйдюрдюнг, гяуур,
Ичимден къара кюйдюрдюнг,
Чыртда джукъ да билмей тургъанлай
Кесинги къалай сюйдюрдюнг.