Таулада ёсген субай наратча,
Ариуду сюегинг,
Ай, ариу наным таугъа кетгенди,
Кюеди джюрегим.

Ах, иги сагъан, кёгюрчюн болуб
Санга бир барыред,
Билмей тургъанлай, сени къатынга
Бир тюшюб къалыред.

Ауушла, тарла къардан толсала,
Джол бегиб къалса да,
Аллынга къараб, сакълаб турлукъма
Узакъда болсанг да.

— Бюгюн, тамбла келед мал бла, —
Деб, джолгъа къарайма.
Сен эштирменг деб таулагъа айланыб,
Таралыб джырлайма.