Школлагъа барыгъыз,
Билим, акъыл алыгъыз,
Кирсиз болсун саныгъыз,
Окъургъа айлансын къаныгъыз.
Сабийлерибиз окъуйла
Партияны кючюнден,
Инженерле, кёб устала чыгъалла
Таулуланы ичинден.
Сабийле ариу кийинелле,
Ала бир-бирлерин сюелле,
Хар ишни да эбин билелле,
Билгенлерин халкъгъа берелле,
Бизни джаш тёлю окъуйду,
Ариу шиндиклеге олтуруб,
Бирери бирер усталыкъ алады,
Школланы барын толтуруб.
Кёб болгъанды школланы санлары,
Ариу джазалла окъуучуланы къоллары,
Окъуугъа айланнганды барысыны аллары
Аны кёрюб къуаналла аналары.
Сизни окъур заманыгъыз джетгенди,
Ленин окъугъуз деб осият этгенди.