Ой бир джашчыкъ, бир джашчыкъ,
Бир джашчыкъда бир башчыкъ,
Бир башчыкъда тёппечик,
Арты чунгур джелкечик,
Аллы сыйдам тулучукъ,
Кеси ата улучукъ.
Туруб тургъан мангылай,
Айтханынгы ангылай.
Битиб тургъан къашчыкъла,
Ессюн быллай джашчыкъла
Кёре тургъан кёзчюкле,
Джашчыкъ айтады сёзчюкле.
Солуй тургъан бурунчукъ,
Джашчыкъ алтын джурунчукъ.
Айта тургъан ауузчукъ,
Этед ариу тауушчукъ.
Ауузчукъда тишчикле,
Джашчыкъ этеди ишчикле.