Акъ тубанла ташха, таугъа бёлюндю
Аны ичинден бир джарыкъ атлы кёрюндю.
— Яраббин аллах, бу черкесли болур, таулу болур, -
Деб адамла алай айтдыла анга.
— Таулу болур, бухар бёркю барды,—
Деб айтдыла бир къаууму.
Алай болса да ол алай айтыб къычырды:
— Мени сюйгеним, ариу Бадина!
Келе эсенг джууукъ келчи къатыма,
Кишиге джукъ айтмазма,
Къысылыб къалчы къойнума.
Къызылчарыкъ, акъчындай Бадина
Алтын боюнчакъла ариу джарашалла бойнунга.
Кишиге джукъ айтырыкъ тюлме,
Келиб кирчи къойнума.
Бурма чачлы, къара къашлы Бадина,
Ала кёзлю, джумшакъ сёзлю Бадина,
Келчи, кетейик, узакъ джары элтейим.
Кёк бла джерни арасында тутарма,
Мени бла джазыуунг бир болса,
Чайнамайын джутарма.