Биз тебредик Къарачайдан
Янон къазауатха сатылыб,
Япон къазауатында тебреди
Юсюбюзге къара тобла атылыб.
Къралыбыз къара къаннга батылыб,
Биз миналмайбыз Порт Артур таулагъа.
Башыбыз къалгъанды
Бу гяуур Японда джаулагъа.
Къазауатха тебресек,
Барабыз атларыбызны тыялмай,
Къарачайны бийлери, байлары
Бизни къалай сатдыла,
Ала бетлерине уялмай.
Кюн тийгенди Япон таулада бузлагъа
Хапарыбызны айтмагъыз
Бек джыларла, къарачайда къызлагъа.
5 Зекаэ 1472
Къазауат этмеген кюнюбюз
Татлы кёрюнеди сют кибик.
Чачыла кетдик къытай таугъа,
Тёгерегибизге къарай,
Къарачай тауладан кёрмедик.
Биз ёрледик алагъа,
Къарачай тауланы тансыкълаб,
Кёбле ёлдюле япон окъла чанчакълаб.
Болалмайбыз бу гяуур джуртланы
Сууларындан ичерге,
Кюрешебиз бир-бирибизге кебин бичерге.
Сюймей эдик джашлыкъда
Бу узакъ джерде ёлюрге,
Къарачайгъа узакъ тюшгенбиз,
Болалмайбыз келирге.
Къарачай байла, бийле,
Бизни къазауатха бердиле,
Бойнубузда борч болмай,
Байла туралла Къарачайда,
Бизни ючюн бир да къыйналмай.
Бир бёлек джылны джашлыкъда
Къарачай элледе джашадыкъ,
Келе-келиб Япон белгиде
Ит этлени ашадыкъ.
Къарачайда къызла алай джылайла:
— Бу суу Японнга бара эсе,
Башыбызны суугъа атайыкъ,
Аскер джашладан келген письмоланы
Къойнубузгъа салыб джатайыкъ.
Джылтырайды япон тауну ташлары,
Къырылалла Къарачайны
Акъыл-балыкъ болмагъан джашлары.
Къалгъан аскерле кибик,
Япон бизни къууалмайд.
Окъ тийгенди Къаракётланы
Мырзай джарлыны белинден,
Ол кюн хайыр чыкъмай къалгъанды
Къаблан кибик кёлюнден.
Къаракётланы Мырзай барады
АскерЛеден алгъа айырыль.6,
Къылыч урады джаш Мырзай,
Япон аскерлеге къайырылыб.
Аллай джигит аналагъа кёб туумайды,
Къаракётланы батыр Мырзай,
Окъдан кёзюн джуммайды.