Эрирей эрей токъ,
Ай нек джантаяса, сен джаман бокъ.
Атланнганынг ат кибик,
Джантайгъанынг ёлюр къарт кибик,
Мюйюзлеринг джаялагъа джараулу,
Санларынг ёлчелеге санаулу.
Эрирейден ким тойса,
Тауукълары болу эки гаккылы,
Сабийлери болу аны уллу баббулу,
Айда а къоразда сиз да тоюгъуз.
Атлыланы тартыб атдан алалла,
Джаяуланы джан сыртындан салалла,
Эрирей эрей токъ,
Ата джуртунгда къартайгъанынг.
Джаман кишиден джахшы улан тууса,
Тёнгертгеден уллу бау этер,
Аны ичи толу мал этер.
Джахшы кишиден аман ул тууса,
Юйде къатынлагъа таратыр тёппе кекелин,
Атасындан къалгъан кёб малын
Келген карыклагъа санатыр.
О —о эрирей, эрирей,
Эрирей деген къууатды
Джарлыгъа берген суабды,
Байгъа берген мал ючюн,
Джарлыгъа берген джан ючюн.