Ой, эрирей деген къуатды,
Джарлыгъа берген суабды.
Джарлыгъа берген джан ючюн,
Ой, байгъа-бийге берген мал ючюн.
Ой, байла-бийлесеннге къор, ёгюз!
Эрирей айта, батсын кюнюбюз.
Эрирей айтылыр эл бла,
Кире сууртхан джел бла.
Ой джаным, кёзюм, къара тууарла!
Бетлерин, къолларын балда джууарла,
Была бир насыблыгъа тууарла.
Ындыр баса, ындыр баса,
Арыб джатсын биригиз,
Насыбдан толсун юйюгюз.
Эртден бла эртде туралла,
Была да бир насыблыгъа тууалла.
Джай болса да джалпакълагъа кетерле,
Анда аякъларын узатырла, джатарла,
Барыб ала кюрт орунлада отларла.
Ой эринчекни эр алмаз,
Эр алса да кёл салмаз.
Туругъуз, танг болгъанды,
Ындыргъа кюлте салайыкъ
Кюнорта болмай эки салым алайыкъ.
Была умур-чумур этерле.