Батыр Басханукъ уллу да Бызынгыда бий эди,
Ой темир терек аны да о къаласына чюй эди
Батыр Басханукъ, джаным, уллу Бызынгыгъа да о бий болмаз,
Ой темир терек а аны да о къаласына чюй болмаз.
Батыр Басханукъну да, джаным, джар башында да къаласы,
Тау эллеге бий болалмаз обур атанг
Сылыуну о джаман баласы.
Шаулух бий келгенди да сени да ол къатынынгы ой элтеди,
Сарыкъулакъ бычагъымы да сабы, джаным, о сары мелтеди.
Ой элте эсе да бу гяуур гаджини энди ой элтме къой,
Сарыкъулакъ бычагъымы да мени къолума о джетме къой.
Басханукъ къатыны да дуния таныгъан ариу Сарайды,
Бир джангыз кечеге да эки джамчылыкъны ол тарайды,
Сарыкъулакъ бычагъым да мени да къолума да джетгенди,
Ай Шаулух бий, аман хомух, сарыкъулакъ бычакъ санга да не этгенди?
Батыр Басханукъ Шаулух бийни белинден эки да этгенди.