НАРТЛА! МАЛКЪАР - КЪАРАЧАЙ НАРТ ЭПОС
НАРТЫ! ГЕРОИЧЕСКИЙ ЭПОС БАЛКАРЦЕВ И КАРАЧАЕВЦЕВ

ТЕКСТЫ

IV. ДЕБЕТ — АЛАУГАН — КЪАРАШАУАЙ

Нарт Алауганнга къатын чыдамагъанды. Артда эмеген къатын алгъанды. Ол эмеген къатын хар тапхан сабийин ашап тургъанды.

Алауган бир къартха:

— Мынга къаллай мадар этейим? — дсп соргъанды. Къарт айтханды:

— Бир ит кючюкню, тюз сабий туугъанлай, къатынны тюбюне ат, сабийин а бери ал.

Алауган ол айтханча этгенди. Шауайны алып къачып, буз таулагъа элтгенди.

— Аллах, сен муну анасыны ууузу эт, мынга болуш,— деп, Шауайны ауузуна бузну салып, бузну жарылгъанына салып кетгенди. Шауай бузну жарылъганында ёсгенди. Шауай ёсюп нартха келгснден сора, Аллах анга Гемунданы бергенди. Гемуда уа дуния жаратылгъанлы къарт болмай, бюгюн да жашап тургъан ат болгъанды.

Гемуда адам кёрсе акъсагъан этиучю эди, андан тащайса лау, Шауай этген муратда айлана эди.

— Ёрюзмекни Къоланы жюйрюкдю,— дегендиле бирле.

Бирле уа:

— Гемуда жюйрюкдю,— деп, бир бирлери бла даулашхандыла.

Даулашны тыяр ючюн, нартла Алапа таудан Минги таугъа чариш салгъаныла. Жолда Гемуданы айыллары юзюлгендиле. Къарашауай къайтып, Гемудагъа къанжал айылла ишлетгенди. Дагъыда Гемуда Къоланны жетип, озуп, Минги таугъа алгъа жетгенди.