Гемуда Минги тауну башында
Къыш Тейрисини ажиринден,
Жай Тейрисини байталындан туугъанды.
Ол байтал тогъуз жылдан бир тай тапханды,
5 Гемуда ючюнчю тайы болгъанды.
Эки тайны Анкъар къуш ашагъанды,
Ючюнчю тайын, марап туруп, Къарашауай алгъанды.
Атына уа ол Гемуда атагъанды.
Гемуда юч аякълы, жез къулакълы,
10 Болат туякълы болгъанды.
Бир кёзю кёкде не затны да кёргенди,
Экинчи кёзю кечелсде сууланы, тенгизлени тюбюнде
Баргъан тюкню кёргенди.
Ол Минги тауну башы бла узалып,
15 Ал Кавказны отлауларын отлагъанды.
Бойну бла ышый-ышый, Минги тауну башын кез этгенди.
Таула аллында кырдык къуруса,
Чегет Кавказны Минги тау жалпакъларын
Отлап, къара топуракъ этгенди.
20 Кири уа битеу нартны сабанына жетгенди.
Ол кишнегенде, бууаз байталла ташлап,
Къысыр байталла бууаз болгъандыла,
Ажирле къоркъуп, къуруп-къуруп къалгъандыла.
Гемуда чапханда, ташла от чагъып,
25 Кёкде жулдузла болгъандыла.
Бир бурун тешигинден ургъан тылпыу — жай,
Экинчисинден ургъан — къыш этгенди.