Къарачыгъыз, нартла элине узакъдан,
Кёре эсегиз, уллу къууум къууанчла.
Аланла, биз а жортууулдан келебиз,
Жолукъгъанлагъа къысха салам беребиз.
5 Сёлешсек а, элгендирмей, кетебиз.
Жюрюшюбюз а, мамукъ кибик, жумушакъ,
Керек болса уа, эрлен кибик, жортабыз.
къыйынлыкъдан арталлы да къоркъмайбыз,
Жолубуздан Тауел, жел да тыялмаз,
10 Сермешледе санларыбыз къыйналмаз.
Тобулгъуданд бизни къамичи сабыбыз,
Жугъутур тикгичден — садакъ бауубуз.
Чабырларыбыз — сарыуек териден,
Ат жер къашларыбыз да — элме терекден.
15 Биз нартлабыз, Сары-Аркъадан аугъанла,
Кийиклени тутуп, къойланыча сойгъанла.
Нёгерликни жюрекледе жюрютебиз,
Къарыусузгъа къарындашлыкъ этебиз.
Жоргъалашып, къанатлылача, барабыз,
20 Тёрт кюнлкжню-жангыз кюннге салабыз.
Тартып, атдан аудурмайбыз иелерин,
Душманланы уа, уруп, атабыз тюеледен.
Кеч болса уа, къая ыранда жатабыз,
Кёкге тутуп, садакъланы атабыз.
25 Нартла уа кюн батарны сакълайдыла,
Элге жууукъ — ашыгъышлы чапмайдыла,
Таматасыз хапарларын айтмайдыла.