Назму этеме, кёлюм тола,
Айтырыма артына тартыла,
Тилим артына тарталы,
Жашлай кетген жигит бла!

Туман басып, кюн да батды,
Тангым аман бла атды.
Эркинлик ючюн жан бердинг,
Сюйген балам, ёлюп кетдинг.

Къууанып аскерге чыкъдынг,
Партизанлагъа къошулдунг,
Кёп душманнга сюнгю сукъдунг,
Кёп кадетни атдан жыкъдынг.

Кёрмей къалдым, сен думп болдунг,
Азатлыкъ ючюн жоюлдунг.
Сен халкъ ючюн къурман болдунг,
Ачы урушда союлдунг.

Халкъ ючюн бердинг жанынгы,
Тууратдынг сен тёрт санынгы,
Тёклюрдюнг къызыл къанынгы,
Жилятдынг жарлы анангы.

Керек тюйюлдю кёлсюзлюк,
Ушамайд бизге эрсизлик.
Ол борчун тюз толтургъанды,
Халкъгъа кертичи болгъанды.

Биз да аныча ёлейик,
Эрлени таукел этейик,
Биз жолубузну билейик,
Тюзлюкге саулукъ тилейик.

Биз бютюн бек къуралырбыз,
Большевикге саналырбыз,
Душманладан къан алырбыз,
Ленин жолунда барырбыз.

1919-1920