Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Тахта кёгетле

Къарачай халкъны эл берген джомакълары

Кёгетле

1135.
Тышы — къынадан къызыл,
Ичи — къардан акъ.
(Айлыкъ турма.)

1136.
Джер тюбюнде — кючлю къатын.
(Джыллыкъ турма.)

1137.
Джер тюбюнде — акъ кюбюрчек.
(Акъ чюгюндюр.)

1138.
Джер тюбюнде — къызыл кюбюрчек.
(Къызыл чюгюндюр.)

1139.
Ичи — къызыл, тышы — къызыл,
Керахатды деб, ашамайды къызым.
(Бадражан.)

1140.
Бир кишини
Джетмиш къат кийими,
Джетмиши да тюймесиз.
(Баш къобуста.)

1141.
Къат-къат тонлу,
Къарыш бойлу.
(Баш къобуста.)

1142.
Бир къызым барды да:
Джашагъаны — ташада,
Эшмелери — туурада.
(Быхы.)

1143.
Джер тюбюнде — къызыл кёсеу.
(Быхы.)

1144.
Къып-къьтзылчыкъ тамаша,
Кеси джерге джанаша.
(Джилек.)

1145.
Джантауу бар да,джиби джокъ,
Териси бар да,тюпо джокъ.
(Къаб.)

1146.
Къолсуз-аякъсыз буруугъа ёрлер.
(Къаб.)

1147.
Джетмиш джолгъа
джайылгъанды да,
Джетиб джыялмайма.
(Къудору.)

1148.
Таш тюбюнде — къызыл ашыкъ.
(Наныкъ.)

1149.
Эшиги-терезеси джокъ:
Ичинде — минг къозу.
(Наша.)

1150.
Тишлери — тешикде,
Сакъалы — эшикде.
(Сарысмакъ.)

1151.
Бир гаккыда — минг танкы.
(Сохан.)

1152.
Бир къызым барды да,
Анга къарагъан джыламай къалмайды.
(Сохан.)

1153.
Джетмиш къат кийимим,
Сууукъ келсе, бузлайма.
(Сохан.)

1154.
ДжЮуе-джюуе джумуртха.
(Сохан.)

1155.
Кеси — бир къарыш,
Сакъалы — мкнг къарыш.
(Сохан.)

1156.
Кийими — джюз къат,
Олтурады бир къарт,
Ажымсызды джылары —
Ким тешиндирсе аны.
(Сохан.)

1157.
Къыркъ къапталлы,
Къыркъма тонлу.
(Сохан.)

1158.
Урмай-тюймей джылатыр.
(Сохан.)

1159.
Тёп-тёгерек, тоб кибик,
Ичи къызыл, от кибик.

а) Тышы джашил, кёк кибик,
Ичи къызыл, от кибик.
б) Тышы — кём-кёк,аламат,
Ичи — къызыл къанауат.
(Харбыз.)

1160.
Джерде битген халыуа,
Сюйюб ашар Балуа.
(Хауун.)

1161.
Бир къызым барды да,
Кюнден кёзюн алмайды.
(Чёплеу терек.)

1162.
Джохар табакъ башлыма,
Алтын окъа къашльша.
(Чёплеу терек.)

1163.
Ингирге дери
Кюнню ызындан къарайма,
Тангнга дери
Къубулама да джылайма.
(Чёплеу терек.)

1164.
Танг атса,
Кюн чыкъгъаннга къарайды,
Кюн батса,
Кюн батханнга къарайды.
(Чёплеу баш.)

1165.
Мийик-мийик мийик тау,
Мийик тауда — бир тала,
Бир талада — минг къой,
Мингиси да — къара.
(Чёплеу табакъ.)

1166.
Таудан къызыл итни ёлюгю келир.
(Шибижи.)

1167.
Терек башында — къызыл чыпчыкъ.
(Шибижи.)

↑ Наверх ↑ | Содержание | Терек кёгегле | Юй джайыуанла

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 1037 | Теги: Тахта кёгетле

Всего комментариев: 0

Карачаевцы и балкарцы

Статьи