Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Сабан битимле

Къарачай халкъны эл берген джомакълары

Битимле

997.
Эки ыйыкъгъа бюртюк эте,
Эки ыйыкъгъа кюйюб кете.
(Арпа.)

998.
Мижегели мийик тау.
(Арпа антау.)

999.
Джюз кишини — бир белибауу.
(Арпа кюлте бла бауу.)

1000.
Къолу джокъ,
Аягъы джокъ,
Белибау къыса.
(Арпа кюлте.)

1001.
Ючден-ючден юй болду,
Ортасында тюй болду.
(Беджен.)

1002.
Къыш къышлар,
Джаз джазлар,
Туягъындан суу ичиб,
Мюйюзюнден къозлар.
(Будай.)

1003.
Тышы - къамиш, ичи — кюмюш.
(Будай.)

1004.
Эки ыйыкъгъа днсашил чагъа,
Эки ыйыкъгъа бшлиб агъа.
(Къара будай.)

1005.
Сабан тюзде — сыргъалы тауукъ.
(Зынтхы.)

1006.
Узун-узун терекле,
Терекле сайын бутакъла,
Бутакъла сайын уяла,
Уяла сайын балала.
(Мюрзеу.)

1007.
Бир къызьш барды да,
Джылына джети челкен киеди.
(Нартюх.)

1008.
Мюрзеулени башыма,
Джарлыланы ашыма,
Пилеу этсенг — пилеуме,
Гырджын этсенг — тилейме.
(Нартюх.)

1009.
Тизгнн - тизиш тизилген,
Бир тизиуден юзюлген.
(Нартюх сабакъ.)

1010.
Биз-биз биз эдик,
Бирер ариу къыз эдик,
Бир агъачха тизилдик,
Бир-бир болуб юзюлдюк.
(Нартюх тизиу.)

1011.
Къарт-къарт къарт ашы,
Сууда битген нарт ашы.
(Принч.)

1012.
Бачхалада къара къыз, —
Ачха-токъгъа джара къыз.
(Речка.)

1013.
Бир терекде - къыркъ бутакъ,
Къыркъ бутакъда — къыркъ уя,
Къыркъ уяда — къыркъ джюджек.
(Тары.чёб.)

1014.
Юч тенг бир-биринден къалмазла,
Къолларыы бир-бири имбашындан алмазла.
(Черен.)

↑ Наверх ↑ | Содержание | Тау магъаданла | Бачха битимле

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 671 | Теги: Сабан битимле

Всего комментариев: 0

Карачаевцы и балкарцы

Статьи