Къарачай халкъны эл берген джомакълары Кийимле бла джасаула

406.
Бир затым барды да,
Къанатлары барды — учмайды.
(Башлыкъ.)

407.
Терекге чырмалыб аналары,-
Белине къадалыб балалары.
(Кюмюш белибау.)

408.
Кюндюз болса — къуршоу кибик,
Кече болса — чулгъау кибик.
(Къубас белибау.)

409.
Кюндюз чырмала, Кече чулгъана.
(Беллик.)

410.
Тёгереги — къала,
Ортасы — тала,
(Бухар бёрк.)

411.
Кюндюз — тешиле,
Кече — кийиле.
(Кечеги- бёрк.)

412.
Ногъай отоу тёгерек —
Маметейге не керек.,

а)Ногъай отоу тёгерек —
Бабий бизгe не керек.
(Кийиз бёрк.)

413.
Тышы — агъач.
Ичи — садрач.
(Четен бёрк.)

414.
Къачдан сора къатынла этген къаудан гебен.
(Чырпа бёрк.)

415.
Кюндюз чырт-чырт эте айланадыла да,
Кече ауузларын ачыб джукълайдыла.
(Галошла.)

416.
Джайсам — орундукъ,
Джыйсам — джумдурукъ.
(Гюлменди, джаулукъ.)

417.
Джайсанг — минг къарыш,
Джыйсанг — бир къарыш.
(Джибек джаулукъ.)

418.
Джаумаса — эшикге чыкъмаз,
Джауса — юйге кирмез.
(Джамны.)

419.
Бичилмеген-тигилмеген,
Созулмайын кийилмеген.
(Джюн чындай.)

420.
Сырты – къымжа,
Баууру – тюклю.
(Кийим сюртюучю.)

421.
Булут тюлдю — салкъын этеди.
(Кюнлюк.)

422.
Къат-къат сырылыб,
Арт этеги джырылыб.
(Къаптал.)

423.
Бир ёзенде — беш гёзен.
(Къоллукъ.)

424.
Бир дорбунда — беш тешик,
Беш тешикде — беш къарнаш.
(Къоллукъ.)

425.
Бир мекямда — беш къарнаш
Бир-бирлерин биледиле,
Хар бирини — бир юйю,
Бирем-бирем киредиле.
(Къоллукъ.)

426.
Башлары къарала,
Тюблери саргъала.
(Мессиле.)

427.
Джайылса — табакъ кибик,
Джыйылса — таякъ кибик.
(Салкъынлыкъ.)

428.
Беш атыма — бир бауум.
(Терн къол къаб.)

429.
Джай эсинге тюшмеген,
Къыш юсюнгден тюшмеген.
(Тон.)

430.
Тышы — мылы,
Ичи — джылы.
(Тышсыз тон.)

431.
Бир джыгырыгым барды да,
Эки эшикни бир-бирине къысады.
(Тюйме.)

432.
Къабдырма бла къадалмаш.
(Тюйме бла илгик.)

433.
Бир итим барды да,
Къабса — къарышыб къалады.
(Тюйреуюч.)

434.
Къыйырчыгъы — илинчек,
Киндигинде — тюйюмчек.
(Тюйреуюч.)

435.
Бир джабыуум барды да,
Таугъа букъу къондурмайды.
(Хота.)

436.
Бир терен урум барды да,
Анга атылмагъан джокъду.
(Хурджун.)

437.
Асдым къазан,
Салдым къуйрукъ,
Эриди къазан,
Къалды къуйрукъ,
(Аякъ бла чарыкъ.)

438.
Башы — къанга, тюбю — чалман.
(Чабыр.)

439.
Кюндюз ары-бери чабадыла,
Кече чулгъаныб джатадыла.
(Чадырла.)

440.
Бир кёлегим барды да,
Эрге баргъынчы тешмейме.
(Чуба.)

441.
Тышындагъы — тар кёлек,
Ичиндеги — алтын терек.
(Чуба бла къыз.)

442.
Ашагъан заманда —
Стол тюбюнде,
Джатхан заманда —
Орундукъ тюбюнде.
(Чурукъла.)

443.
Башы бар — аягъы джокъ.
(Ышымла.)