Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Юй хайыуанла

Къарачай халкъны эл берген джомакълары

Хайыуанла

1168.
Джанлыдан къачмаз,
Юлюшюн чачмаз.
(Аджир.)

1169.
Къартасы — къыр-къыр эте,
Джалкъасы — джыр-джыр эте.
(Ат)

1170.
Джол юсюнде — джаулу гоппан.

а) Джол юсюнде — окъа бокка.
б) Джол юсюнде — ере бокка.
в) Джол юсюнде — окъа бёрк.
(Ат илкер.)

1171.
Суугъа кирсе — бир бола,
Суудан чыкъса — минг бола.
(Ат къуйрукъ.)

1172.
Боюн кючге базыучу,
Кулдаланы къазыучу.
(Бугъа.)

1173.
Къарангы юйде — тёртаякъ.
(Бауда ийнек.)

1174.
Эртдён кетер иллезий,
Ингир келир иллезий,
Акъ халыдан джибек иер иллезий»,
(Ийнек.)

1175.
Тёрт адам бир уругъа сьшына.
(Ийнекни эмчеклери бла челек.)

1176.
Сегиз семе** дара***
Тёрт къуба дара,
Эки аба-за дара,
(Гаджи, ийнек, эчки.)

1177.
Не иссиге тёзмеген,
Не сууукъгъа тёзмеген.
(Таммеш.)

1178.
Анасындан — гитче,
Атасындан — уллу.
(Къадыр.)

1179.
Дясар къыйырда — джау мандалакъ.
(Къозу къуйрукз.)

1180.
Кийим болама,
Сюйюм болама,
Ашарыкъ болама,
Ичерик болама,
Алтын болама,
Кюмюш болама,
Эки джыйырма
Юлюш болама.
Отха салыргъа
Отунг болама,
Къараб турмасанг,
Къотур болама.
Джаным джарлы,
Башым алтын.
(Къой.)

1181.
Эртден кетиб,
Ингир келген аллезин,
Кёк джибекден
Тюйме тюйген аллезин.
(Къай.)

1882.
Къолсуз-бутсуз буз тешер.
(Къой бокъ.)

1183.
Бир-бири башын чача,
Бир-биринден къача.
(Къочхарла.)

1184.
Къая къыйырда — къынгыр тиш.
(Мюйюз.)

1185.
Эки тенг къарнаш —
Экиси да джанбаш.
(Мюйюзле.)

1186.
Экеулек кёкге къарай,
Тёртеулен джерге къарай.
(Мюйюзле бла аякъла.)

1187.
Бир ёгюзюм барды да,
Ёмюрюнде джатмайды.
(Пил.)

1188.
Бурмачач газ-газ.
(Теке.)

1189.
Ёмюрю джерде джашайды,
Кёкню уа кёралмайды.
(Тонгуз.)

1190.
Мюйюзю — таракъгъа,
Териси — аякъгъа.
(Тууар.)

1191.
Къаралдым юйге къар джукъмаз.
(Тууар жюйюз.)

1192.
Бир къызьш барды да:
Усу тутса,къусаргъа тартышады.
(Тюе.)

1193.
Сырты — дукъур,
Башы — дугъур,
Тюгю — къонгур.
(Тюе.)

1194.
Сюрюу аллында джюрюучю,
Сюрюучюге джол кёргюзюучю.
(Эркеч.)

1195.
Эл джатар,
Элемен джатмаз.
(Эчки мюйюз.)

1196.
Саны - санаусуз,
Кеси - джараусуз
(Эчки тюк.)

1197.
Эти ашалмагъан узункъулакъ.
(Эшек.)

↑ Наверх ↑ | Содержание | Тахта кёгегле | Кийик хайыуанла

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 1844 | Теги: Юй хайыуанла

Всего комментариев: 0

Карачаевцы и балкарцы

Статьи