Къарачай халкъны эл берген джомакълары Ташыу бла джощручудукъ

660.
Айрысакъал къарт джабланыб тарта.
(Айры агъач.)

661.
Къазлай къычырады,
Къангкъазлай чайкъалады.
(Арба.)

662.
Чегетге бара юйге къарайды
Юйге бара чегетге къарайды
(Арбаны арты.)

663.
Тёрт къарнашны — бир белибаулары.
(Баш бау.)


664.
Къабыргъада — беш тешик.
(Боюнсха.)

665.
Минг киши ёлюб джата,
Бир киши басыб джата.
(Бичен къурукъ.)

666.
Экеу хырылдай,
Экеу джырылдай,
Биреу гырылдай.
(Ёгюзле. къарачай арбаны чархлары, арбачы.)

667.
Терек айрыда — текеле мюйюз.
(Ёгюзлюк.)

668.
Тюбюне тюшген — башына чыгъа,
Башына чыкъгъан — тюбюне тюше.
(Кегейле.)

669.
Къара добай анасы —
Онеки да баласы.
(Кёпчек бла кегейле.)

670.
Онеки баласы — Къара къатын анасы.
(Тохун бла кегейле.)

671.
Аналары — тюрте бара,
Балалары — юрке бара.
(Кёчерагъач бла чархла.)

672.
Тёрт джолоучу хар заманда
Бир-бири ызындан барадыла,
Бир-бирлерин джеталмайьш,
Алай джюрюб турадыла.
(Орус арбаны чархлары.)

673.
Тёртеу тенгден тёнгерер.
(Орус арбаны чархлары.)

674.
Анам этген юйден чыкъмаз,
Атам этген юйге кирмез.
(Печь бла арба.)

675.
Джай ауур бола,
Къыш дженгил бола.
(Чана.)

676.
Эки къарнашны — бир белибаулары.
(Чомача бау.)

677.
Эки къымылдыу,
Тёрт дыммылдыу,
Бир тегене.
(Эки ат,арбаны чархлары, кюбюрю.)