Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Кийик джаныуарла

Къарачай халкъны эл берген джомакълары

Джаныуарла

1216.
Боз бугъа боюнлу,
Темир сюек аякълы,
Пелуан билекли,
Къысыр джылзн джюрекли.
(АйЮ.)

1217.
Уллу къолда — уллутабан.
(Айю.)

1218.
Къарны ач— кёлю токъ.
(Аслан.)

1219.
Саламбаш бла дугъурбаш.
(Аслан бла къаблан.)

1220.
Къолан къапталлы,
Къынгыр тырнакълы.
(Къаблан.)

1221.
Къар суудан тарта,
Къарангы бауда джата.
(Бёрю.)

1222.
Сыртда айлакнган къызылкёз.
(Бёрю.)

1223.
Сыртда сууукъ сюрюучю,
Сууукъ гойге кириучю.
(Бёркю.)

1224.
Тубан тюбюнде — джоргъа алаша.
(Бёрю.)

1225.
Морт-морт морт алаша,
Къуйрукъчугьу чорт алаша.
(Борсукъ.)

1226.
Бир къызым барды да,
Ийнели чепкен киеди.
(Кирпи.)

1227.
Суу ызында — ийнели къыппа.
(Кирпи.)

1228.
Джар джанында — чыгъанакъ тоб.
(Кирпи.)

1229.
Кёлю — къоркъакъ,
Кёзю — чокъракъ.
(Къоян.)

1230.
Къыш болса — акъ бола,
Джаз болса — кёк бола.
(Къоян.)

1231.
Таугъа айланса — окъ кибик,
Таудан айланса — тоб кибик.
(Къоян.)

1232.
Кеси гитче — сокъмагъы уллу,
(Сюлеусюн.)

1233.
Кеси хыйла — къуйругъу сырма.
(Тюлкю.)

1234.
Кесини териси—кесине джау.
(Тюлкю.)

1235.
Минг къалада — къызыл къасбар.
(Тюлкю.)

1236.
Хурулада — къызыл ашыкъ.
(Тюлкю.)

↑ Наверх ↑ | Содержание | Юй джаныуарла | Суу джаныуарла

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 1063 | Теги: Кийик джаныуарла

Всего комментариев: 0

Карачаевцы и балкарцы

Статьи