Статьи

Главная » Статьи » Материалы библиотеки » Алийланы Солтан - Къарачай халкъны эл берген джомакълары

Джер хазнала

Къарачай халкъны эл берген джомакълары

Джер байлыкъ

962.
Къара джабыуда — акъ бийче.
(Акъ топракъ.)

963.
Ачылыгъы — туз кибик,
Ариулугъу — буз кибик.
(Ачыуташ.)

964.
Джансызгъа джан салгъан.
(Бензин.)

965.
Къая къызы — чынар сызлы.
(Билеу.)

966.
Бир тюймем барды да,
Къолда тохтамайды.
(Гинасуу.)

967.
Кенгден къарасанг — джылтырай,
Къолгъа алсанг — къалтырай.
(Гинасуу.)

968.
Кёгюрчюнден — кёк,
Тучдан-къурчдан — бек
(Кёрдеуюк.)

969.
Тышы — джашил-сары,
Ичи — дарман-дары.
(Кёкташ.)

970.
Бир атым барды да,
От кёрсе кишнейди.
(Кюкюрт.)

971.
Къаракентден келген къара къатын.
(Къайракъ.)

972.
Къая къызы къарамиж.
(Къая чайыр.)

973.
Къолан тауукъ — кёзге зауукъ.
(Марджан таш.)

974.
Ала къашлы, — Джохар чачлы.
(Мермер таш.)

975.
Тамса — суу, джанса — чыракъ.
(Патеген.)

976.
Сосран сир къатханды да,
Джиклери бюгюлмейди.
(Сослан таш.)

977.
Суу ичинде — акъ балыкъ.
(Суу таш.)

978.
Джерде чиримез,
Сууда эримез.
(Таш.)

979.
Эшикде — таш, юйде — отуя.
(Ташкёмюр.)

980.
Къая къызы акъбийче.
(Тытыр.)

981.
Тиши джокъ — темир ашай.
(Хыршы.)

982.
Суу ызыкда — кюмюш ашыкъ.
(Чокъракъ.)

↑ Наверх ↑ | Содержание | Заман | Тау магъаданла

Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014) | Автор: Алийланы Солтан

Просмотров: 743 | Теги: Джер хазнала

Всего комментариев: 0

Карачаевцы и балкарцы

Статьи