Статьи
| Главная » Статьи » Материалы библиотеки » Алийланы Солтан - Къарачай халкъны эл берген джомакълары |
Чам джомакъла
Бир къыз бир эркишини ат-аллына миниб баргъанлай, тюбёген адамла анга: «Атлы киминг болуб миннгенсе ат-аллына?» — деб соргъандыла. Ол да алагъа: — Мени анамы анасы — Муну къайын анасы,— дегенди. Атлы къызны неси болгъанды? — Атасы 1420. Бир джаш бир уллайгъан тиширыу бла кетиб баргъанлай, аны тенглери тюбеб, анга: «Бу тиширыу сени ненг болады?» — деб соргъандыла. Ол да алагъа: — Мени атамы анасы — Муну къайын анасы, — дегенди. Тиширыу джашны неси болгъанды? — Анасы. 1421. Бир къатын бир джаш сабййни: — Ай сен, иги джаш,иги джаш, Джашымы—джашыса, эрими—къарнашыса, деб эркелетгенди. Алай къалай болгъанды? — Эки къысыр къатын бир-бири джашына баргъандыла да, аланы бири джашындан туугъанны эркелетгенди. 1422. Бир къатын бешикде бир сабййни:v — Джукъла,балам, джукъла, балам, Сен джукъламай, ким джукъласын?! Джангыз къызымдан туугъанса, Джангыз джашымы баласыса, — деб тебретгенди. Сабий къатынны неси болгъанды? — Еге джашы бла туугъан къызындан туугъан. 1423. Бир элден бир элге келин келгеннге алгъышха баргъан бир къатын аллына тюбёген бир къызчыкъгъа: «Юшогюзге чаб да, мени келгеними айт», — дегенди. Къызчыкъ да анга: «Ким келеди дерикме?» — деб соргъанды. — Ананга — эгечинг келеди — де, Атанга — келининг келеди — де, — дегенди къатын. Алай къалай болгъанды? — Эки эгеч джашы бла атасына барыб тургъандыла. Категория: Алийланы Солтан - Къарачай халкъны эл берген джомакълары | Добавил: Gornaya_Zvezda (31.03.2014)
|
Просмотров: 1930
|
| |||
| Всего комментариев: 0 | |
