Акъыл чачдынг кёб дунияны джерине,
Рудакини¹Рудаки — Рудаки Абу Абдаллах Джафар (860—941) таджик — къаджар классика адабиятны тамалын салгъан акъылман джазыуну. джер джюзюне берген джер!
Закийликни «джюз джыйырма мингине»:
Шагъатлыкъны ёлмез «Шахнаме²«Джюз джыйырма мингине» — дуния адабиятны эм уллу назмучуларыны бири Фирдоуси Абулъкасим (940— 1020) джазгъан «Шахнаме» деген поэманы 120000 тизгини болгъанды.» этер!

Тауларынгча ангынг чыгъыб мийикге,
Ёсдюрсенг да Ибн-Синни³Ибн-Син — Абу-Али Ибн-Сина (Авиценна) — алим, врач, философ, музыкант., Хайямны⁴Хайям — Омар Хайям (1048— 1122), назмучу, математик эм да философ.,..
Зорлукъ тубан басыб сениб халкъынгы,
Кёб ёмюрню саналгъанса «кийикге».

Азатлыкъ джел чачханында тубанны,
Джюрегингде атды тангы заманны!
Озгъан уллу тарихинге табмай сёз,
Халкъны эки этедиле бюгюн, тёз!..

Джауларынга сен алдатма кесинги,
Къазауатха бурма чыртда эсинги,
Бир баланга тик болмасын бир баланг!
Кюу болмасын, оюлмасын джыр къаланг!

1992 дж.