Онглума деб, махтанмайма,
Онгсузма деб, джыламайма,
Ийнан анга — халим тюдцю гинасыу!
Сайлаб сени сюйген эсем,
Сюймекликден кюйген эсем,
Болаллыкъса джюрегиме сен асыу!

Танг узатсын сейир гоппан,
Хур джукъудан ичи толгъан,
Сагъышладан заман табма ичерге!
Мен болайым баш сагъышынг,
Джюрегингде нюр алгъышынг,
Ышар меннге, ышаргъанча кюн джерге!

Акъылынг бла сен мийиксе,
Халинг бла уа сен «кийиксе»,
Къурумасын ол «кийиклик» элингде!
Сени сювдюм аны ючюн —
Миллетими намыс кючюн
Кёргенме деб, ариу, сени халингде!

1985 дж.