Нъю-Йоркга келдим да, (шохум, кеч мени)
Юйюген къой башха ушатдым сени.
Кёре тургъанымда, болдум юренчек...
Сен кесингча ариу кёре эДим, Джек!

Сенден ариу тюлдю къытайлы Юн Ван,
Сенден ариу тюлдю оруслу Иван!
Ёмюрде манга да тиймегенди кёз,
Кёз тиймесе санга, сен да менлей тёз!

Кел, шохла болайыкъ экибиз да, Джек,
Тин базманнга сал да, сен халими чек,
Кёлюм къалмаз чыртда, «Джек» — десенг манга,
«Къара-Мырза» дерим келед атынга!

Чамны, накъырданы биз тутмасакъ бек,
Къуйрукъла ёсерле экибизге, Джек,
Саудан юсюбюз да тюкледен толуб,
Бананла ашарбыз терекге къонуб.

Мен, Кавказдан келген бир таулу улан,
Сен мъшда туусанг да — Африкалы джан!
Адамлыкъны джерде тугайыкъ мийик,
Бояуланы сайлай, болмайыкъ кийик!

Къара джерди бизге акъ унну берген,
Кёзню къарасыды акъ кюнню кёрген...
Бурун айрылыкъ тас болуб арадан,
Пушкин джаратъшгъанд акъ бла къарадан!

1990 дж.