Къанат кериб чыкъ дуниягъа — дегенсе,
Миндиргенсе джыр къанатлы буракъгъа,
Кюн таякъдан къамчи эшиб бергенсе.
Ким биледи, барырмамы узакъгъа?

Акъ джамчыча иннетинги къаблайма,
Джунчутсала джашау джелле, джангурла,
Къарыу берген ауазынгы сакълайма,
Улусала къара къанлы обурла.

Тёлюбюзге къыбламача джарайса,
Болмасъш деб атламыбыз джангылыч,
Кёгаор болуб тёлюлени джалгъайса,
Джер бла кёкню джалгъагъанча джанкъъшыч.

Ийнанама, баш муратынг толлукъду...
Кюншо бетин джабалмазла къаргъала!
Халкъ тылпыуу ёмюрлюк джаз боллукъду,
Сен джангъщан джашау берген «Къарчагъа»!

13.01.1986 дж.