Къаялагъа ёмюрлюк джан салгъан халкъ!
Джюреклени сёз бла сылай билген халкъ!
Дарман джери башына уу болгъан халкъ!
Кёзю кюле, кёлю джылай билген халкъ!

«Къаплан тери кийген батыр»¹«Къаплан тери кийген батыр» — Шота Руставелини акъылман поэмасы. — гюрджю халкъ!
Сени Шотанг²Шота — Шота Руставели (12 ёмюр), — дуния къуралгъанлы, эм уллу джазыучуланы бири. Гюрджюню Тамара деген патчахыны хазначысы. — дунияны хазнасы!
Мзечабукча³Мзечабук — Амирэджиби Чабуа Ираклиевич (1921) — уллу гюрджюлю джазыучу., Думбадзеча⁴Думбадзе — Думбадзе Нодар Владимирович (1928— 1984), уллу гюрджюлю джазыучу. джашла талкъ
Этдирмезле тин байлыкъны тахтасын!

Акъылманла кёб туусунла джерингде,
Зулмулукъгъа ишлемеген башлары!..
Туумагъанлай къалсынла энд ёмюрде
Сталин, Берия кибик боллукъ джашларынг!

Азат болуб, къууаннгандан джыладынг,
Насыб кючлеб, башынг джетсин джулдузгъа!
Зорлукъну бек кёб тюрлюсюн сынадынг,
Сен сынатма энди зорлукъ онгсузгъа!

1992 дж.