Алдауладан, сайлауладан халкъ арыб
Бошагъанды. Бирле властха джетерле,
Терибизни сыбабхадан чыгъарыб,
Кесибизге сыбыртхыла этерле.

Бизге джетмез Эресейни оноуу,
Башыбызгъа оноу эталгъаек биз.
Эртде болгъанд уллу къралны тоноуу,
Ол тоноудан кери болсун джерибиз!

Уяныгъыз, джукълагъандан хайыр джокъ!
Джукълар кюнле алда сансыз-санаусуз...
Сиз айтмагъыз, «Уятыргъа шайыр джокъ!» —
Деб, мен айтхан бола эсе джараусуз,

Сиз окъугъуз Дебо улу Кючюкню,
«Хасаука» джыр бизни халкъгъа тюзлюкню
Къыбламасыд, анга кёре атлайыкъ
Тар ёзенде Джуртубузну сакълайыкъ!

1992 дж.