Барды мен джарлыда бир уллу къарнаш,
Барды сан, барды баш — аюча бир джаш,
Уяты, ашамы бёрюге ушаш,
Джетдиралмайма мен, келсе анга аш!

Бир шиша чагъыргьа атасын сатар,
Эсириб, балчыкъда тонгузча джатар.
Ол къумгьан бла чыгъа билмейд эшикге,
«Культура келтирдим, — дейд, — сен эшекге!»

Хахайлайд, къолунда шимирин къашый...
Ташымы, суууму тышына ташый,
Аздырды, тоздурду кесек джерими,
Къанымы кёб ичди, сойду терими!

Уяныб, джумдурукъ болмай эсек биз,
Юйюрде гитчеле терсбиз кесибиз!
Бир кюн бир, хамхотун да бузуб аны,
Къыстарыкъбыз юйден, бериб табанны!

1992 дж.