Кёргенсизлик. Акъылыны чийлигинде,
Ол — тин шапа, тинсизликни бийлигинде
Адам да кёб, ашдан толу тепси узун,..
Къуу сёзледен къуулукъ джугъа тинине,
Джюрегинде джарсыууну къуугъунчусун
Бошламайды, «къуугъун сал!» — деб тилине.
Кечилмейди мында сёз бла энчи ыз салгъан,
Ол «джорукъну» джыйгъан эди эсине.
Бек оюлгъан межгитни бир аумай къалгъан
Багъанасыча кёрюне кесине,
Сюеледи. Бу джыйынны OJ1 да бири,..
Тойгъанлагъа джырла джырлай, барад тери,
Джырлагъаны «айю къулакъладан» кери.
Ичинден а: «Бир бош келдим, — дейди, — бери».
Белгисизди джыйылыуну созуллугъу.
Сагъышында ОЛ джангы джыр этеди:
«Бу джыйынны ангысыны узунлугъу
Бу аш юйден джахтанагъа джетеди...»

1980 дж