Джер юсюнде хар неден да мийик болуб къалгъанча,
Сескеклеииб сюелеме мен ишекли адамча,
Ким эсе да тюз сыртымдан меннге къараб тургъанча,
Бурулама, дангъш тюз а къыйырсызды—заманча.

Ойрасы:
Кёзлерими къысама да, кёрюнеди Минги Тау,
Джюрегими ургъаны да эшитиледи: Тау! Тау! Тау!

Кёк къанатлы джырчы аяз кюнчыкъгъандан келеди,
Бармакълары къауралагъа къыллагъача тиеди,
Аяз кюнню акъ булутлу кёз къабагъын ачады,
Джайгъы кюн да дуниягъа алтын нюрюн чачады.

Ойрасы.

Къучагъымы кюннге кериб, мен учунуб солуйма,
Кёкню кёк къол аязындан кёк хауаны тогъуйма,
Тешилгенди сезимими байлаб тургъан кюрме да,
Энди кесек илешгенме, джетишгенча хар не да.

Ойрасы.

1985 дж.