Акъ иннетли ёлюмсюзлюк джырларынг,
Тазакёзле, ушагъанла Гёйгёлге ¹ Гёйгёл — Азербайджанда эм ариу, таза кёл. ,
Джыр кёзледе сени озгъан джылларынг
Кюзгюдеча кёрюнелле тёлюге.

Толкъунлача шашхан джаула болмай сёл,
Суу джутханча болду бек кёб шахар, эл.
Низами ² Низами — Низами Гянджеви Абу Мухаммед Илъяс ибн Юсуф (1141—1209) — азербайджанлы акъылман назмучу. , Хакани ³ Хакани — Афзалладдин Бадил Ибрахим ибн Али Хакани Ширвани (1120— 1199) азербайджанлы акъылман назмучу. ,.. эте халкъгъа кёл,
Деу Бабекге ⁴ Бабек — 798-чи не уа 800 джылда туугъанды, 838-чи джылда ёлгенди. Фахмулу аскерчи 816-чы джылда халкъын азат этиб кюрешген аскерни башчысы болгъанды. ушасала деб хар эр,

Кюрешдиле. Буйрукъ болмай Аллахдан,
Къутулургъа мадар болмад палахдан.
Кючюнг джетмез къанлы джаула джетдиле,
Халкъны, джерни эки юлюш этдиле.

Заман озду. Кърал болду бир кесегинг,
Джаралыды, джарасы уа — Къарабах,
Ол сау болур. Азат болсун экинчинг!
Сора, сени бир кърал этсин бир Аллах!

1992 дж.